Pershendetje, kam problem me sinuset ,kam kokdhembje ,frymarjen e kam te veshtire nga hundet .Kam qene tek mjeku dhe kam perdorur antibiotik por nuk kam permirsim, ju lutem ma jepni nje keshill shka duhet te bej meqense kam frike prej operimit?

Pershendetje Zj.

Se pari ju falenderojme per pyetjen dhe shpresojme ta adresojme drejt shqetesimin tuaj. Sinusiti eshte nje teme shume e gjere dhe se shpejti siti jone do te ofroje informacion te plote mbi kete ceshtje, perfshi informacion ne lidhje me shkaktaret, shenjat, diagnostikimin, opsionet per trajtim, komplikacionet, etj. Ne lidhje me pyetje tuaj, po fokusohemi tek ajo pjese e pyetjes qe ka lidhje me nevojen per t’ju nenshtruar apo jo nderhyrjes kirurgjikale.

Si rregull, vetem nje numer i vogel pacientesh te prekur nga sinusiti kane nevoje per nderhyrje kirurgjikale.  Indikacionet per nderhyrje kirurgjikale perfshijne:

• Edhe pasi pacienti i eshte nenshtruar nje nderhyrje te plote 6 javore, sinusiti nuk eshte sheruar.  Nderhyrja e plote nenkupton trajtimin me preparate antibiotike, preparate steroide lokale, preparate antialergjike (ne se eshte e nevojshme), preparate qe ndikojne ne uljen e edemes (enjtjes) se hapjes se sinuseve ne hunde, etj.
• Nje ekzaminim skaner i kryer pas trajtimin konfirmon se sinusiti ende nuk eshte sheruar, se hapjet e sinuseve jane ende te bllokuara, apo se ne sinuse ka nje rritje jo-normale.
• Si rezultat i ekzaminimeve bakteriologjike, apo i gjendjes klinike, mjeku juaj mendon se shkaktari i sinusitit eshte nje infeksion i shkaktuar nga nje myk (kerpudhe, fung) kunder te cili antibiotiket jane te paefektshem.
• Infeksioni eshte perhapur edhe tej sinuseve.

Gjithsesi, ne ju rekomandojme qe (sipas deshires) te na beni nje pamje me te plote te problemit tuaj, perfshi edhe ekzaminime te ndryshme qe keni kryer (te cilat mund te na i dergoni te skanuara ose te fotografuara).  Ne kete rast ne mund t’ja kalojme dosjen tuaj mjeksore bashkepuntoreve te ekipit tone ne Shqiperi ose vende te tjera per te marre nje mendim te specializuar per rastin tuaj konkret.  Ne te ardhmen ky sherbim do te ofrohen kundrejt pageses, por ne rastin tuaj, ky sherbim do te ofrohet falas.

Duke ju uruar sherim te shpejte dhe duke shpresuar t’ju kemi ndihmuar me informacionin tone.

Me respekt,

“Dr. Idol