Nënë e dashur, qumështi në gjirin tënd ndryshon nga dita në dite, por gjithnjë i cilesise që i përgjigjet nevojave të bebes tënde. Mbas 2-3 javësh, në gjinjtë tuaj krijohet qumësht i pjekur (i plote).

Përbërja e qumështit të nënës ndryshon në varësi të periudhave të kohëzgjatjes se thithjes dhe nevojave të bebes. Nëse bebes i jepet gji sa herë që e kërkon, nuk i nevojë ti shtohet ujë. Qumështi i nënës nuk i ngarkon veshkat e bebes. Qumështi i nënës i përshtatet ne menyrë perfekte nevojave të vetë bebes dhe ai përmban

• proteina

• karbohidrate

• yndyrna

• hekur

 

Proteinat

• Sasia e albuminave në qumështin e nënës i përshtatet në menyrë ideale nevojave të të porsalindurve. Të gjitha Ilojet e tjera të qumështit janë me pak te përshtatshme per nga përbërja sasiore e cilësore ne proteina.

• Të ushqyerit e nënës nuk ndikon në nivelin e proteinave ne qumështin e saj.

• Proteinat e qumështit te nënës zbërthehen lehtë dhe absorbohen mire. Kur bebes i jepet qumësht lope, vetëm një pjesë prej saj absorbohet në zorrën e foshnjës. Produktet metabolike të zbërthimit të qumështit artificial mund të ndikojnë negativisht në zhvillimin e sistemit nervor qendror (trurit) të bebes.

Yndyrnat

•Yndyrat janë burimi kryesor i kalorive (energjisë) per beben.

• Të ushqyerit e nënës mund të ndikojë në nivelin e yndyrave te qumështit të saj

• Yndyrnat në qumështin e nënës përmbajnë acide yndyrore të pangopura në vargje të gjata, që janë të domosdoshme per rritjen dhe zhvillimin e sistemit nervor.

• Niveli i yndyrnave është i ulët në fillim të dhënies gji, pra në qumështin e pare dhe shtohet në fund të dhënies gji, pra në të quajturin qumësht të fundit.

 

Qumështi i nënës përmban enzima, qe zbërthejnë yndyrnat dhe në këtë mënyre ndihmojnë absorbirnin e tyre. Ne qumështin artificial këto enzima nuk ekiistojnë.

 

Karbohidratet (sheqcrnat)

• Në përqindje të madhe përmbajnë laktozën, e cila zbërthehet lehtë dhe snfrytëzohet mire.

• Qumështi i nënës përmban shumë karbohidrate (sheqerna) cilësore në krahasim me qumështin artificial ose qumështin e lopës.

Hekuri

• Niveli i zakonshëm i hekurit në qumështin e nënës është 50%, ndërsa në cdo qumësht tjetër eshtë vetëm 10%.

• Kjo është arsyeja pse foshnjat që ushqehen me gji ne 6 muajt e pare të jetës paraqesin shumë rrallë anemi me mungesë hekuri, krahasuar me ata që ushqehen me qumësht lope apo qumësht artificial.

Dr. Anila Godo

Prof. Dr. Edi Tushe